Ձեր միջև ծագած սեռական մղումը միանգամայն բնական և առողջ է: Սակայն ես խորհուրդ չէի տա սեռական հարաբերություն ունենալ հիմա ոչ թե այն պատճառով, որ դուք ամուսնացած չեք, այլ այն, որ դուք դեռ լիովին չեք պատկերացնում, թե ինչ է սեռական կյանքը և այն բոլոր ՛՛ծուղակները՛՛, որոնցով լեցուն է այդ կյանքը, ձեր տարիքում հնարավոր չէ հաղթահարել, եթե դուք չունեք որոշակի հիմք և հատկապես ուժեղ արտահայտված անհատականություն: Սեռական կյանքը վտանգավոր կողմեր ունի և կարելի է ասել, որ գրեթե հնարավոր չէ խուսափել այդ վտանգներից ձեր տարիքում՝ ասենք օրինակ՝ կախվածություն, հիասթափություն, տառապանք, ցավ, վախ, մեղավորության զգացում, հուսահատություն, անհամբերություն և ջղային գրգռում, դուք ստիպված եք լինելու ապրել այս ամենը, ու դա ձեզանից այնքան ժամանակ է խլելու, որ անհնարին կդառնա կենտրոնանալ ապագայի կառուցման ուղղությամբ: Ես խորհուրդ կտամ սեռական հարաբերություններ ունենալ ոչ թե անզուսպ կրքի մղումով, այլ գիտակցված որոշմամբ՝ Միթե արժե կրել սեռական կյանքի դժվարությունները ձեր կյանքի այս փուլում, երբ դուք կարող եք մասնագիտկան կայացման հասնել, ունենալով դրա համար անհրաժեշտ բոլոր պայմանները՝ երիտասարդություն, խնամողներ, ժամանակ, անհրաժեշտ է կամքը լարել ոչ թե այնպիսի ապրումներից ձեռրբազատվելու համար, որոնք բերում է իր հետ սեռական կյանքը, այլ ինքնուրույն ոտքի կանգնելու ուղղությամբ, էլ չեմ ասում, որ սկսվում են մարմնական հոգսեր՝ հեշտոցային արտադրություն, բորբոքումներ և դուք ստիպված պիտի լինեք առնվազն 6 ամիսը մեկ անգամ սպասել գինեկոլոգիական հետազոտման ձեր հերթին և ընդունել որոշակի դեղեր, մոմիկներ, որպեսզի առողջ պահեք ձեր սեռական ուղիները:

show less